Skøyter, morsdag og slalom

Det har vore ei fantasisk helg så langt. Laurdag var det skøytegåing i strålande sol..

I dag vart eg vekka av to søte små som hadde laga kort. Når eg kom ned fann eg imidlertid ut at det var ikkje alt dei hadde laga! Der var det pynta med lys og ein fantastisk god frukost venta med posjert egg og smoothie - intet mindre! Ein kan venne seg til ei slik oppvarting :-)

 Etterpå var det tid for ein runde eller 20 i trekket - stor stas!

Og no ventar eg på at fastelavensbollane skal heve medan jentene og guten (!) er på skøyter igjen. Ei god helg på alle måtar.

 

Og til alle mødre - kos dykk med dagen dykkar!

Ei lita oppdatering

Som vanleg er det gått ei stund sidan sist, så her er ei lita fotooppdatering av kva som har skjedd sidan sist (meir eller mindre :-).

Eg har pussa opp leilegheita på låven med god hjelp av min kjære sambuar. Så godt som alle romma er malt, og det er satt inn oppvaskmaskin. Under litt før- og etterbilete.

 

 

 

 

 I desember var me ferdig med dette vetle miniprosjektet på kjøkkenet. Hyllene rundt dei åpne hyllene har irritert meg frå starten av, så det var godt å få dei vekk :-)

 I jula kom det endeleg ein del snø. Me hadde besøk av besteforeldre frå Øygarden - stor stas! Og så må eg ta med biletet av dei tre dokkene som har fått bunad hjå mormor til jul, nydelege :-)

 

 

I januar våga me oss på ein grilltur i det fri i -10 grader. Sola hjalp godt på, så det vart ein fin tur. Og så til høgdepunktet - me har fått eit nytt tante- og søsenbarn! Eit stykke uti januar kom ei etterlengta lita jente til verda, mørkhåra og søt - og veldig populær :-) Til sist litt bilete frå ein tur på isen der minsten prøvde skøyter for første gang.

 

 

 

Det får vere nok (og eigentleg vel så det) for denne gang :-)

Ferdig gang (så godt som...)

Måtte berra nett ta med eit par bilete frå den (omtrent) ferdige gangen. Me manglar framleis lampar i taket og brytarar ++, men den er farleg nær å vere heilt ferdig!

Til slutt måtte eg berre ta med eit lite stemningsbilde frå i kveld, det lavar ned ute! 

Neste på lista - gangen

Først litt historiske bilete frå drivhushausting og potetopptak. Begge deler har gått veldig bra :-) Sjølv om det ikkje er så lenge sidan virkar det slik i dag sidan det har putla på med snø..

Mandelpotetene er klare til lagring. Hadde og ein tidlegsort som heitte Beret. 

 Me har fått 7-åring i huset sidan sist, og då feiringa var vel overstått satte me i gang med neste prosjekt i huset, nemleg gangen nede. Slik såg den ut (meir eller mindre..)

Under er eit ekstra ille bilete sidan det var midt under oppussinga av kjøkkenet og det komplette kaos, men om ein ser vekk frå rot og potter (!) så stemmer det.

Me byrja med å rive ned panelet som låg utanpå den gamle ytterveggen. Det var isolert med eit kvitt skum som var lite kjekt å handtere - men vekk vart det!

Golvet var delvis isolert med sagspon som måtte ut.

 
Trappa med belegg og grå sklikantar som var veldig godt festa med lim, som me skulle finne ut etter kvart :-)

Golvet er isolert og "kabla", og støypen er på plass.

Å fjerne limen i trappa synte seg å verte ein omstendeleg prosess. Etter å ha prøvd diverse kjemikaliar og skrubbar var det malingskrape som vart den mest effektive løysinga.

Me er enda ikkje i mål, lister må på plass og me ventar på taklampane, men ein byrjar å sjå ei forbetring - syns me i alle fall :-)

No tenkjer eg så det knakar på korleis det skal innredast best mogeleg, gler meg til å få ting på plass og byrje å bruke den. Spesielt kjekt skal det bli å ha varmekablar i golvet att - akkurat i tide til snøsesongen med våte sko :-)

Dagen i dag

Ting kjem på plass litt etterkvart her, og i dag har det skjedd opp til fleire framrykk. Me har endeleg fått ein avslutning på flisene rundt platetoppen. Etter mykje fundering enda me på å bruke bildelister, og på den måten fekk eg ein plass til alle dei einslege gamle koppane og fata eg har og - jippi!

 Eit lite rosehageglimt må vere med. Omtrent alle 19 buskene blomstrar, og dei har vokse godt i løpet av sesongen. Eg tenkte eg kanskje hadde planta med for god avstand til at det ville sjå "frodig" ut, men no trur eg det skal ordne seg fint :-) Er og nesten ferdig med lavendelkantane, det står att nokre få plassar. Når eg har planta ut alle dei sjølvsådde skal eg flytte dei som vart laga av den gamle planten ned i "krydderkassen" slik at dei kan vokse litt. Dei som vart sådd har eit klart forsprang!

 Medan det var ivrig snekkarverksemd i tunet tok eg og jentene oss ein tur på Laberg. Vetla (som snart vert 2.klassing!) er utruleg kreativ og fantasifull i leiken og drar minsten med seg. Dei storkosar seg i fjøra. På biletet ser de den vetle ferja vår M/F Urnes som me er så glade i - sidan me er dønn avhengig av den, og sidan den er så søt som turistane seier :-)

 Her er altså prosjektet dei er i sving med; eit inngangsparti for "Bestenhuset". Det skjermar for vind og ver og vert såpass stort at det vert plass til både benk og kles-/skooppbevaring. Vert greit å sleppe regndråpane i nakken når ein skal inn der... Og nok ein gang var det eit salig rot i tunet :-)

Og til slutt - intet sommarinnlegg utan kjøkkenhagegreier. Eg har tatt opp løken og lagt den til tørk. Dersom det går greit å lagre den gjennom vinteren (har fått gode tips og råd), så skal det bli meir av den til neste år. Enkel og grei å få til, og vert garantert brukt.

 Har og sylta ein runde med rødbetar, noko eg ikkje har prøvd før. Vert interessant å sjå om det går bra. Har att ein runde til før alt er på glas.

 Sist, men ikkje minst - dei trufaste agurkane. Dei vert kjempesvære og smakar godt, ein god sort. Den litt mindre saken er av ein annan sort der det kjem både hann- og hoblomster. Dei vert og gode, men det er meir styr med dei og så ser dei litt snåle ut :-)

Tomatane er forresten byrja bli raude, så no må me skunde oss å sylte grøne tomatar før det er for seint... Ha ei strålande helg!